Chempıondar lıgasy: Birinshi kezeńnen keıin «Qaırat» pen «Kartahena» teń oınap jatyr

ASTANA. KAZINFORM — Fýtzaldan Chempıondar lıgasy tórttigi fınalynda Almatylyq «Qaırat» pen Ispanııanyń «Kartahena» kezdesýiniń birinshi kezeńi aıaqtaldy.

Komandalar alǵashqy mınýttan belsendilik kórsetti, Ekeýi de gol soǵatyn múmkindikti izdedi. Nátıjesinde 16-mınýtta almatylyq klýbtan Alısson mergendik tanytty.

Oıynnyń 39-mınýtynda ıspanııalyq klýb tarazy basyn teńestirdi.

Osylaısha birinshi kezeńnen keıin komandalar 1:1 esebine qanaǵat bildirdi.
Sondaı-aq búgin taǵy bir jartylaı fınalda «Palma» (Ispanııa) men «Sportıng» (Portýgalııa) oınaıdy.

Almatylyq komanda buǵan deıin bul týrnırde 20 márte baq synap úlgerdi. Bul jóninen Eýropa qurlyǵyndaǵy komandalar arasynda absolıýtti rekordty tirkedi.
Olar 2012/13, 2014/15 jylǵy maýsymda Chempıondar lıgasynda jeńis tuǵyryna kóterilgen.

Eske salsaq, budan buryn olar Horvatııa astanasy Zagreb qalasynda Chempıondar lıgasynyń elıtalyq kezeńinde horvatııalyq «Fýtzal Dınamony» 5:1, «Olmıssýmdy» 1:0. slovakııalyq «Mımel Lýchenetsti» 4:2 esebimen tize búktirdi.

Sondaı-aq taǵy bir jartylaı fınalda «Palma» (Ispanııa) men «Sportıng» (Portýgalııa) oınaıdy.

Fınal 4 mamyr kúni ótkiziledi.