Chempıondar lıgasy: Bir oıynshysy kem «Barselona» syrt alańda jeńiske jetti

ASTANA. KAZINFORM — Fýtboldan ÝEFA Chempıondar lıgasynda 1/8 fınalynyń alǵashqy oıyndary aıaqtaldy.

Чемпиондар лигасы: Бір ойыншысы кем «Барселона» сырт алаңда жеңіске жетті
Фото: championat.com

Álemdegi ataqty klýbtardyń biri, katalonııalyq «Barselona» Lıssabonda «Benfıka» (Portýgalııa) komandasymen sheberlik baıqasty.

Bul oıynda 22-mınýtta ıspanııalyq klýbtan qorǵaýshy Paý Kýbarsı alańnan qýyldy. Týǵanyna 18 jas 42 kún bolǵan P.Kýbarsı Chemıondar lıgasynda HHІ ǵasyrda alańnan qýylǵan eń jas fýtbolshy atandy. 

Bir oıynshysy kem bolǵanyna qaramastan, «Barselona» 1:0 esebimen jeńiske jetti. Gol avtory — brazılııalyq Rafınıa.

«Barselona» qaqpashysy, polıak Voıtseh Şensny oıyn barysynda 8 seıv jasap, 2003-2004 jylǵy maýsymnan bergi úzdik nátıjege qol jetkizdi. 

Bıyl Aǵylshyn premer-lıgasynda jeke-dara kósh bastap kele jatqan «Lıverpýl» Parıjde «PSJ» komandasyn 1:0 esebimen tize búktirdi. Munda 87-mınýtta Harvı Ellıott jeńis golyn soqty.

«Bavarııa» óz alańynda taǵy bir germanııalyq klýb «Baıerdi» 3:0 esebimen oısyrata utty. Garrı Keın qos goldyń avtory atansa, Djamal Mýsıala da qur ketken joq.
Italııalyq «Inter» Rotterdamda «Feıenoord» komandasynyń 2:0 esebimen meselin qaıyrdy. Markýs Tıýram men Laýtaro Martınes alań ıeleriniń qaqpasynan sańylaý tapty.
Bir kún buryn Londonnyń «Arsenaly» Eındhovende PSV klýbyn 7:1 esebimen qaqyrata jeńip, APL komandalary arasynda rekord ornatty.

Sondaı-aq taǵy bir aǵylshyndyq klýb «Aston Vılla» syrt alańda belgııalyq «Brıýggeden» 3:1 esebimen aılasyn asyryp, shırek fınal joldamasyn alýǵa jaqyn tur.
«Borýssııa» (Germanııa) — «Lıll» (Frantsııa) klýbtary 1:1 esebimen teń tarqasty.
Madrıdtik derbıde «Real» óz alańynda «Atletıkodan» basym tústi — 2:1.

Qarymta kezdesýler 11-12 naýryzda ótip, shırek fınalǵa shyqqan komandalar anyqtalady.

Eske sala keteıik, budan buryn «Realdy» iri eseppen utqan «Barselonanyń» Ispanııa sýperkýbogyn jeńip alǵanyn jazǵan bolatynbyz.

Сейчас читают