Chempıondar lıgasy: «Bavarııa» syrt alańda «Seltıkti» tize búktirdi

ASTANA. KAZINFORM - UEFA Chempıoandar lıgasy pleı-off satysyndaǵy ekinshi oıyn kúni ótti. 

12 aqpanda Germanııanyń «Bavarııa» komandasy syrt alańda Shotlandııanyń «Seltıgimen» kezdesti.

Germanııalyq ujym atalǵan oıynda jeńiske jetý jolyn izdedi. Soǵan qaramastan alǵashqy goldy Maıkl Olıse 45-mınýtta soqty. Al ekinshi kezeńniń 49-mınýtynda Harrı Keın óz múmkindigin múlt jibergen joq.

Shotlandııalyq klýb ta «Bavarııaǵa» laıyqty qarsylyq kórsetti. Nátıjesinde olardyń qatarynan Daıdzen Maeda 79-mınýtta esep aıyrmasyn qysqartty. Osylaısha «Bavarııa» syrt alańda qarsylasyn 2:1 esebimen tize búktirdi.

Sondaı-aq bul kúni óz alańynda belgııalyq «Brıýgge» Italııanyń «Atalantasyn» 2:1 esebimen jeńse, nıderlandtyq «Feıenoord» Italııanyń «Mılanynan» 1:0 esebimen basym tústi. Al frantsııalyq «Monako» Portýgalııanyń «Benfıkasyna» 0:1 esebimen ese jiberdi. 

Jarystyń atalǵan satysyndaǵy qarymta oıyndar 18-19 aqpan kúnderine belgilengen. 

Eske salsaq, budan buryn «Real Madrıd» Anglııada «Manchester Sıtıdi» jeńdi.