Chempıondar lıgasy: «Bavarııa» «Real Madrıdti» jarys jolynan shyǵardy
ASTANA. KAZINFORM — Fýtboldan UEFA Chempıondar lıgasy jartylaı fınalyna joldama alǵan barlyq qurama belgili boldy.
Shırek fınaldyń ekinshi oıyn kúninde «Bavarııa» (Germanııa) men «Real Madrıd» (Ispanııa) komandalary kezdesti.
Alǵashqy oıynda ıspanııalyq klýb óz alańynda qarsylasyna 1:2 esebimen ese jibergen edi. Jarystyń kelesi satysyna beriletin joldamanyń qoldan sýsyp bara jatqanyn túsingen olar tóreshi ysqyryǵy estilgen sátten tizgindi óz qolyna alýǵa tyrysty.
Oıynnyń 1-mınýtynda «Real Madrıd» sapynan Arda Gıýler óz múmkindigin múlt jibergen joq. Degenmen «Bavarııa» oıynshysy Aleksandar Pavlovıch 6-mınýtta tarazy basyn teńestirip úlgerdi.
Al 29-mınýtta aıyp dobyn sheber oryndaı bilgen Arda Gıýler óziniń bul oyıyndaǵy ekinshi golyn soǵyp úlgerse, 38-mınýtta germanııalyq klýbtan Garrı Keın kózdegen nysanadan múlt ketken joq. Esep — 2:2.
Tolassyz shabýyl barysynda ıspanııalyq komandadan Kılıan Mbappe 42-mınýtta tepken dop «Bavarııa» qaqpasynda týlap jatty.
Oıynnyń ermanııalyq klýbtan Lýıs Dıas 89, Maıkl Olıse 93-mınýtta gol soǵyp, qorytyndy esepti belgiledi.
Osylaısha «Bavarııa» qarsylasynan 4:3 esebimen basym t.sip, jartylaı fınalǵa joldama aldy.
Sondaı-aq taǵy bir kezdesýde Anglııanyń «Arsenaly» (Anglııa) men Portýgalııanyń «Sportıngi» 0:0 esebimen teń oınady. Eki komanda arasyndaǵy alǵashqy kezdesýde anglııalyq klýb qarsylasynan 1:0 esebimen basym túsken edi.
Aıta ketsek, budan buryn Ispanııanyń «Atletıko Madrıd» klýby sol eldiń taǵy bir ókili «Barselonany» (2:0, 1:2), Frantsııanyń «Parı Sen-Jermeni» Anglııanyń «Lıverpýlin» (2:0, 2:0) qapy qaldyryp ketti.
Endi jartylaı fınal oıyndary 28-29 sáýir jáne 5-6 mamyrda bolady.
Fınal 30 mamyrda Vengrııa astanasy Býdapesht qalasyndaǵy «Pýshkash-Arena» stadıonynda ótkiziledi.
