Chempıondar lıgasy: «Barselona» alǵashqy oıynyn sátsiz ótkizdi

ASTANA. KAZINFORM — Búgin UEFA Chempıondar lıgasy jalpy kezeńinde alǵashqy týry máresine jetti.

19 qyrkúıekte ótken úshinshi oıyn kúninde Ispanııanyń «Barselona» komandasy syrt alańda Frantsııanyń «Monako» klýbyna 1:2 esebimen ese jiberdi.

Kezdesý ıspanııalyq klýb úshin sátsiz bastaldy. Oıynnyń nebári 10-mınýtynda olardyń qatarynan Erık Garsııa qyzyl qaǵaz alyp, alańnan qýylyp ketti. Odan keıin óz qaqpasyna eki gol jiberip, oǵan nebári bir golmen jaýap qaıyrdy. 

Bul týrdaǵy ózge oıyndarda óz alańynda Nıderlandtyń «Feıenoordy» Germanııanyń «Baıerine» 0:4, serbııalyq «Tsrvena Zvezda» Portýgalııanyń «Benfıkasyna» 1:2 esebimen ese jiberdi.

Al «Atalanta» (Italııa) men «Arsenal» (Anglııa) 0:0 esebine qanaǵat bildirse, ıspanııalyq «Atletıko Madrıd» Germanııanyń «Leıptsıgin», frantsııalyq «Brest» Avstrııanyń «Shtýrmyn» 2:1 esebimen jeńdi.

Eske salsaq, budan buryn 17 jáne 18 qyrkúıek kúnderi alǵashqy týr oıyndary ótkizildi.