Chempıondar lıgasy: «Arsenal» — «Qaırat» kezdesýinde kimder tórelik etedi

ASTANA. KAZINFORM — UEFA Chempıondar lıgasy negizgi kezeńi segizinshi týryndaǵy qazaqstandyq «Qaırat» (Almaty) jáne Anglııanyń «Arsenal» (London) komandalary arasyndaǵy kezdesýde qaı eldiń tóreshileri qyzmet atqaratyny belgili boldy. 

Bul mindetti shveıtsarııalyq kelgen Ýrs Shnıder bastaǵan tóreshiler brıgadasy atqaratyn bolady.

Oǵan otandastary Marko Tsıýrher men Benıamın Tsıýrher kómektesedi. Tórtinshi tóreshi de sol eldiń ókili Sven Volfensberger.

Kezdesý 28 qańtardan 29-na qaraǵan túni saǵat 1:00–de Anglııa astanasy London qalasyndaǵy «Emıreıts» stadıonynda bastalyp, «Qazaqstan» telearnasynan tikeleı efırde kórsetiledi.

Bul kezdesý almatylyq klýb sapynda Dastan Sátpaev, Azamat Tuıaqbaev, Oljas Baıbek sekildi fýtbolshylar qatysa almaıdy. 

Osyǵan deıin negizgi kezeńde «Qaırat» Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4 esebimen jol berse, Kıprdiń «Pafosymen» 0:0 esebimen teń tústi.

Esesine týrnır kestesinde «Arsenal» jeti týrda birde-bir upaı joǵaltpaı, 21 upaımen kósh basynda keledi. 

Aǵylshyndyq komanda jarys barysynda Ispanııanyń «Atletık Bılbao» (2:0), Grekııanyń «Olımpıakos» (2:0), Ispanııanyń «Atletıko Madrıd» (4:0), Chehııanyń «Slavııa» (3:0), Germanııanyń «Bavarııa» (3:1), Belgııanyń «Brıýgge» (3:0), Italııanyń «Inter» (3:1) klýbtarynan basym tústi.