Chempıonat surmergeni Kılıan Mbappe gol sany jóninen Pele jáne Messımen teńesti

ASTANA. QazAqparat – Frantsııa quramasynyń shabýylshysy, 23 jastaǵy Kılıan Mbappe álem chempıonattarynda soqqan gol sandary boıynsha Pele jáne Messımen teńesti, dep habarlaıdy QazAqparat tilshisi.

K.Mbappe Argentınamen ótken fınaldyq matchta het-trık jasady.

Osylaısha, ol dúnıejúzilik birinshilikterde soqqan gol sanyn 12-ge jetkizdi. Brazılııalyq Pele jáne argentınalyq Lıonel Messıdiń de enshisinde 12 gol bar.

Sonymen qatar Mbappe 8 golmen Qatardaǵy chempıonattyń úzdik surmergeni atandy.

Mbappeniń áli de jas ekenin eskersek, onyń álem birinshilikterinde 16 gol soqqan nemis fýtbolshysy Mıroslav Klozeniń rekordyn jańartýǵa múmkindigi bar.

Eske sala keteıik, budan buryn Horvatııa quramasy qaqpashysynyń soqqyny qaıtarý jóninen úzdik atanǵanyn jazǵan bolatynbyz.

Sondaı-aq Messı álem chempıonattarynyń rekordyn ornatty.

Messı álem chempıonatynda gol salý jóninen Peleni qýyp jetti.

Penaltı serııasynda Frantsııany jeńgen Argentına úshinshi ret álem chempıony atandy.