«Chemistry Cup» halyqaralyq boks týrnırinde qazaq boksshylary 4 altyn medal jeńip aldy
ASTANA. QazAqparat - Germanııanyń Galle qalasynda ótken «Chemistry Cup» halyqaralyq boks týrnırinde qazaq boksshylary 4 altyn medal jeńip aldy, dep habarlaıdy QazAqparat.
Buǵan deıin habarlaǵanymyzdaı, fınalǵa 5 qazaq boksshysy shyqqan bolatyn. Alaıda 69 kelide sharshy alańǵa kóterilgen boksshymyz Abylaıhan Júsipov jergilikti bylǵary qolǵap sheberine ese jiberip aldy. Al qalǵan 4 boksshymyz altyn medal ıelendi.
Atap aıtqanda, Azamat Isaqulov reseılik Ovık Oganesıandy, Ábilhan Amanqul nıderlandylyq Maks van der Pasty, Vasılıı Levıt taǵy orys boksshysy Vladımır Ýzýnıandy, Qamshybek Qońqabaev ýkraınalyq Andreı Gorodetskııdi jeńdi.
Ábilhan Amanqul osy týrnırdegi eń úzdik óner kórsetken boksshy atanyp, arnaıy kýbokqa da ıe boldy.
Munan bólek, Qazaqstan boksshylarynyń qorjynynda tórt qola medal bar. Ony 49 keli salmaqtaǵy Erjan Jomart, 56 kelidegi Qaırat Eralıev, 60 kelidegi Ádilet Qurmetov, 81 kelidegi Ádilbek Nııazymbetov ıelendi.
Aıta keterligi, Ádilbek Nııazymbetov jartylaı fınalǵa shyqpaı shuǵyl Astanaǵa oralǵan bolatyn .
