Chelıabınsk túbinde qazaqstandyqtar mingen avtobýs aýdarylyp qaldy

ChELıABINSK. TASS-QazAqparat - Reseıdiń Chelıabi oblysynda Qazaqstannan Ekaterınbýrg qalasyna bara jatqan avtobýs aýdarylyp, 24 jolaýshy zardap shekti, dep habarlaıdy QazAqparat TASS agenttigine silteme jasap.

Óńirdiń densaýlyq saqtaý mınıstrliginiń málimetinshe, avtobýs Ekaterınbýrgke kireberistegi joldyń 85-shaqyrymynda jol shetine aýdarylyp ketken.

13 adam oqıǵa ornynan evakýatsııalandy. Zardap shekken jeteýi aýrýhanaǵa jatqyzyldy.

Jol apaty búgin tańǵy 6.00 shamasynda bolǵan.

«Kýnashak aýdanyndaǵy avtobýs apatynan 24 adam jaraqat aldy. Olardyń jaǵdaıy týraly aqparat naqtylanyp jatyr. Zardap shekkenderge búkil qajetti kómek kórsetilý ústinde» dep málim etti baspasóz qyzmeti.

Oqıǵa ornynda toǵyz jedel járdem brıgadasy jumys istegen. Patsıentter Chelıabınsk qalasyndaǵy №3 jáne №6 qalalyq klınıkalyq aýrýhanalarǵa jetkizildi.

Kólik júrgizýshisi tolassyz qar jaýyp turǵan jaısyz aýa raıynda avtobýstyń joldyń oń jaq shetine aýdarylyp ketýine jol bergen.

Polıtsııa málimetinshe, jolaýshylar Qostanaı qalasynan Ekaterınbýrgke vahtalyq jumysqa bara jatqan. Barlyǵy - Qostanaıdyń turǵyndary.

Al avtobýsty 38 jastaǵy Ekaterınbýrg turǵyny tizgindegen.

foto, vıdeo tass.ru