Chelıabiniń aspanynda meteorıttik jańbyrdyń saldarynan jarylys boldy
ASTANA. 15 aqpan. QazAqparat - Chelıabiniń aspanynda jarylys boldy, dep habarlady RBK. Reseıdiń Tótenshe jaǵdaılar mınıstrliginen habarlanǵandaı, búgin Chelıabi oblysynda meteorıttik jańbyr jaýdy.
«Ǵarysh monıtorınginiń quraldary atmosferanyń tómengi qabatynda jarqyldy tirkedi, bul - meteorıttik jańbyr», - dedi Reseı TJM aqparattardy basqarý basshysynyń orynbasary Elena Smırnyh.
Ýtro.rý habarlanǵandaı, oqıǵanyń saldarynan Chelıabide bıik ǵımarattardyń terezeleri shytynady.
«Aýmaq zerttelýde. Qaza bolǵandar men qıraýlar joq. Turǵyndardyń ómirine jáne densaýlyǵyna esh qaýip-qater tónip turǵan joq», - dedi Smırnyh.
