Chelıabige baǵyt alǵan jolaýshydan gashısh pen marıhýana tabyldy
ASTANA. QazAqparat - Shekara qyzmetiniń «Soltústik» óńirlik basqarmasyna qarasty «Qaıraq-avto» baqylaý-ótkizý beketiniń shekara narıady «Rýdnyı-Chelıabınsk» baǵytynda jol júrip bara jatqan «Lada Granta» avtomashınasyna shekaralyq tekserý júrgizý kezinde qyzmettik ıttiń ıis alýymen 33-jastaǵy júrgizýshiniń oń aıaǵyndaǵy shulyǵynyń ishinen polıetılendi shaǵyn paketterge salynǵan jasyl untaqtardy anyqtady. Bul týraly QR UQK ShQ baspasóz qyzmetinen habarlady.
Ózindik ıisine, túr-túsine qarap shekarashylar olardyń gashısh jáne marıhýana ekendigin anyqtady, árqaısysynyń salmaǵy 15 gramnan bolady.
Atalǵan derek boıynsha materıaldar Qostanaı oblysynyń Qarabalyq aýdandyq ishki ister bólimine berildi.
