Chelıabide satýshy áıel dúkende bala týyp, ony tunshyqtyryp, jumys ornyna qaıta oralǵan
ASTANA. QazAqparat - Jańa týǵan nárestesin óltirgen Chelıabi turǵynynyń ústinen qylmystyq is qozǵaldy. Bul áıel jumys ornynda bosanyp, ony tunshyqtyryp óltirip, múrdesin órtke qarsy qalqanǵa tyǵyp qoıǵan.
Sábıdiń óli denesi Stolpın kóshesindegi dúkenniń órtke qarsy qalqanda tabylǵan. Qyz balanyń múrdesin jas ananyń áriptesi taýyp alǵan. Saraptama balanyń bir zatpen tunshyqtyrylǵanyn anyqtady.
Beıbúırek ana jumys ornyna qaıtyp oralǵanymen, ózin nashar sezingen. Áıel jansaqtaý bólimine jetkizildi. Qazirgi kezde ol palataǵa aýystyryldy, densaýlyǵy qalpynda. Tergeýshiler ony qamaýǵa alý máselesin sheship jatyr.
Náreste ólimi faktisimen «Ananyń jańa týǵan balasyn óltirý» baby boıynsha qylmystyq is qozǵaldy, dep jazady piter.tv.
