Chelıabide Qazaqstan men Reseı rektorlarynyń forýmy ótti
ATYRAÝ-ChELıABІ. QazAqparat - Chelıabide Qazaqstan men Reseı óńiraralyq yntymaqtystyǵy XIV forýmy aıasynda búgin eki eldiń iri joǵary oqý oryndary rektorlarynyń kezdesýi ótti, dep habarlaıdy «QazAqparat» HAA tilshisi.
«Rektorlar forýmy - óńiraralyq yntymaqtastyq Forýmynyń jańa beti. Kún tártibinde joǵary oqý oryndary arasyndaǵy seriktestikti damytýǵa yqpal etetin máseleler qoıyldy», - dep málim etti «QazAqparat HAA tilshisine QR Qarjy mınıstrligi Qarjy akademııasynyń prezıdenti Natalıa Korjova.
Rektorlar forýmyna qatysýshylar aldynda sóılegen N. Korjova buǵan mysal retinde MMÝ akademııasymen aradaǵy aldaǵy jyldan bastap magıstranttar almasý jónindegi baǵdarlama boıynsha kelisimdi aıtty.
Óz kezeginde Ońtústik Oral memlekettik ýnıversıtetiniń rektory Aleksandr Shestakov atalǵan ýnıversıtette 3400 qazaqstandyq stýdenttiń oqıtyndyǵyn, al Qazaqstannyń 45 jas ǵalymy ǵylymı zertteý jumystarymen shuǵyldanatyndyǵyn atap ótti.
Chelıabi oblysynyń gýbernatory Borıs Dýbrovskıı óńirdegi joǵary oqý oryndaryndaǵy sheteldik stýdentterdiń jartysy - Qazaqstan jastary ekendigin atap ótti
Jınalǵandar gýbernatordyń Chelıabide 2018 jyly Reseı men Qazaqstannyń gýmanıtarlyq yntymaqtastyq forýmyn ótkizý jónindegi usynysyn qoldady.
