Chelıabi oblysynda Qazaqstan Respýblıkasynyń saýda úıi salynady
ASTANA.QazAqparat - Chelıabi oblysynyń gýbernatory Borıs Dýbrovskıı Qostanaı oblysynyń ákimi Arhımed Muhambetovpen kezdesip, Chelıabi oblysynda ótetin Qazaqstan men Reseı arasyndaǵy XIV Óńiraralyq yntymaqtastyq forýmyna daıyndyq jáne ótkizý jumystaryn talqylady, dep habarlaıdy lentachel.ru.
«Bul mańyzdy sharaǵa biz birlesken ınvestıtsııalyq jobalar qorymen, kelissózder jáne kelisimsharttarmen kelemiz. Bizdi Qostanaı oblysymen erekshe qarym-qatynas baılanystyrady. Sonymen qatar, sońǵy jyldary Qazaqstan Respýblıkasy óńirlerimen jáne az ǵana ýaqyttan keıin EKSPO-2017 halyqaralyq kórmesi ashylatyn Astana qalasymen iskerlik jáne resmı baılanystar aýqymy aıtarlyqtaı keńidi», - dedi Borıs Dýbrovskıı.
2016 jyly Qazaqstanmen taýar aınalymy 1412,6 mln dollardy qurady (eksport - $637,6 mln, ımport - $775 mln). Al 2017 jyldyń alǵashqy úsh aıyndaǵy taýar aınalymy 428 mln dollar boldy (eksport - $190,8 mln, ımport - $237,2 mln). Osyǵan baılanysty, Qazaqstan syrtqy saýda palatasynyń basqarmasy tóraǵasynyń orynbasary Saltanat Ahanova Qazaqstan ónimderin Chelıabi oblysy aýmaǵynda satýǵa baılanysty ortaq satý ortalyǵy - «Qazaqstan Respýblıkasynyń saýda úıin» ashý usynysyn jasady.
