Chelıabi-Novosibir tas jolyndaǵy jol apatynan bes adam qaza tapty - TJM
ASTANA. 27 qarasha. QazAqparat - Chelıabi-Novosibir tas jolynynyń 616 shaqyrymynda, Qazaqstannyń soltústigindegi M.Jumabaev aýdanynda jeńil kólik pen júk kóliginiń soqtyǵysýynan bes adam qaza tapty, dep habarlaıdy QR Tótenshe jaǵdaılar mınıstrliginiń baspasóz qyzmeti.
TJM baspasóz qyzmetiniń aqparatyna sáıkes, jol-kólik apaty 26 qarasha, saǵat 14.00-de «VAZ» avtokóligi men «Volvo» júk kóliginiń soqtyǵysýynan bolǵan. Jeńil avtokóliktiń 22 jastaǵy júrgizýshisi, onyń jolaýshylary, 46 jastaǵy áıel, 22 jastaǵy jas jigit pen boıjetken, sondaı-aq eki jasar sábı oqıǵa ornynda kóz jumǵan.
