«Chelıabi-Novosibir» kúre jolyn sý basty - SQO
PETROPAVL. QazAqparat – Petropavlda Esil ózeni tasyp, halyqaralyq mańyzy bar joldy shaıyp ketti, dep habarlaıdy QazAqparat tilshisi.
«Qazgıdromet» RMK Soltústik Qazaqstan oblystyq fılıalynyń málimetinshe, Petropavl qalasynyń mańynda Esil ózeni tasyp jatyr. Búgin halyqaralyq mańyzy bar «Chelıabi-Novosibir» avtojolynyń 528 shaqyrymyn sý basty. Ázirge joldyń ústinen ketken sý tereń emes, ıaǵnı kólikter ótip jatyr .
Saǵat 16.00 jaǵdaı boıynsha Esil-Petropavl gıdrologııalyq postynda sý deńgeıi 968 sm jetken. 8 saǵattyń ishinde 8 sm joǵarylady. Qala mańynda ózenniń sýy da kóterilip keledi .
Jalpy bir táýliktiń ishinde Esil ózeniniń sý deńgeıi Petropavlda 24 sm-ge, Novonıkolskoe eldi mekeniniń mańynda 64 sm-ge, Dolmatovo aýylynyń mańynda 41 sm-ge kóterildi. Pokrovka eldi mekeni mańynda eń joǵary kórsetkish – 1049 sm tirkelip, bir táýlikte 18 sm-ge tústi.
Petropavl sý qoımasynda da sý deńgeıi kóterilip jatyr. Bir táýlikte 26 sm-ge ózgerip, 825 sm-ge jetti.
