Chelıabi ǵalymdary qulaǵan meteorıttiń qaldyqtaryn tapty
ASTANA. 18 aqpan. QazAqparat - Ýral memlekettik ýnıversıtetiniń (ÝrMÝ) ǵalymdary Shubarkól kóliniń mańaıynan 15 aqpan kúni tańerteń qulaǵan meteorıttiń bólshekterin tapty.
Bul týraly JOO-nyń resmı blogynda jazyldy, dep habarlaıdy RBK.
Ekspedıtsııa ýnıversıtetke tabylǵan zattyń bólshekterin jetkizdi. Ǵalymdar zerthanadan vıdeotranslıatsııa jasady. Ekranda meteorıttiń sýreti bar úsh kompıýterdiń monıtory, sondaı-aq «aspan denesiniń» kishkentaı bólshegi kórsetilgen.
Eske salaıyq, 15 aqpan kúni tańerteń, jergilikti ýaqyt boıynsha saǵat 09.23-te Chelıabi oblysynyń turǵyndary sırek astronomııalyq qubylystyń kýási boldy. Oblysqa meteorıt qulady, soqqy tolqyny turǵyn úılerdiń, ónerkásiptik ǵımarattardyń 100 myń sharshy metrden astam shynylaryn syndyrdy. Oqıǵa saldarynan 1 myńnan astam adam zardap shekti.
Dabyl boıynsha 20 myńnan astam jeke quram aıaqtaryna tik turǵyzyldy, aspan denesiniń qaldyqtaryn izdestirýge birneshe tikushaq jumyldyryldy. Kóp uzamaı meteorıttiń bólshekteri tabyldy.
