Chelıabi meteorıtinen 1000 ese aýyr: Jerge iri asteroıd jaqyndap keledi

ASTANA. KAZINFORM — 2025 FA22 dep atalatyn asteroıd 18 qyrkúıekte Jerge eń jaqyn qashyqtyqtan ushyp ótedi. Bul - bıyl baqylaýǵa alynǵan eń iri asteroıdtardyń biri, dep habarlaıdy TASS.

Zerthananyń málimetinshe, aspan denesi Jerden Aı orbıtasynyń dıametrine jýyq qashyqtyqta ótip, planetaǵa eń jaqyn tusy Máskeý ýaqyty boıynsha tańǵy saǵat 10.00 shamasynda bolady.

Ǵalymdardyń aıtýynsha, asteroıdtyń ortasha eni — 166 metr, uzyndyǵy — 290 metr.

Al massasy Chelıabi meteorıtinen shamamen 1000 ese aýyr.

«2025 jyly bul — planetaǵa mıllıon shaqyrymnan az qashyqtyqta ótetin eń iri tasty dene nemese kem degende eń irileriniń biri», — deıdi mamandar.

Sonymen qatar ǵalymdar asteroıdtyń Jermen soqtyǵysý yqtımaldyǵy «nólge teń» ekenin atap ótti.

Aıta keteıik, Qytaı ǵalymdary ǵaryshtyq qaldyqtardy joıýdyń jolyn tapty.