«Chelsıdiń» burynǵy bapkeri Ózbekstannyń quramasyn basqarýǵa kelisimin berdi
ASTANA. QazAqparat - Kezinde londondyq "Chelsıdi" basqarǵan Izraıldiń belgili fýtbol bapkeri Avraam Grant Ózbekstannyń quramasyn basqarýǵa kelisim berdi, dep habarlandy seısenbi kúni Ózbekstan Fýtbol federatsııasynyń saıtynda.
Habarlamada «Ózbekstan quramasyn álem chempıonatyna shyǵarýǵa kómektese alamyn. Eger Ózbekstan tarapynan usynys kelip jatsa, ony qarastyrýǵa ázirmin», - degen Granttyń sózi keltirilgen.
«Ózbekstanda daryndy fýtbolshylar kóp, biraq ol jetkiliksiz. Olarmen jaqsy jumys jasap, durys jolǵa baǵyttaý qajet. Sonda ǵana oıdaǵydaı nátıjege qol jetkizýge bolady», - deıdi ızraıldyq maman.
Grant Izraıldiń Hapoel" jáne "Makkabı" klýbtarynda, sondaı-aq aǵylshyndyq "Chelsı", "Portsmýte", "Vest Heme", serbııalyq "Partızane" men Izraıl quramasynda bapker bolyp jumys istegen.
