«Chelsıdi» tańǵaldyrǵan «Qaırat» túlegi Londonda dop tebedi

ASTANA. KAZINFORM - Almatylyq «Qaırat» fýtbol klýbynyń jáne Qazaqstan jasóspirimder quramasynyń shabýylshysy Dastan Sátpaev «Chelsı» komandasyna aýysýǵa jaqyn. 

Anglııadaǵy úzdik komandalardyń biri talantty fýtbolshyǵa qatysty naqty sheshim qabyldady. Endi almatylyq jáne londondyq klýb arasynda transferge qatysty is-sharalar bastalady. 

Dastan Sátpaevtyń jańa klýbqa aýysýy aldaǵy aptada bolady dep josparlanyp otyr. Qazaqstandyq aıaqdopshynyń jasy 18 jasqa tolmaýyna baılanysty qos tarap arasyndaǵy kelissózdiń qalaı júrgiziletini ázirge belgisiz. 

Aıta ketsek, Dastan jeltoqsan aıynda londondyq klýbta qaralymnan ótken bolatyn. 

Eske sala keteıik, ózbekstandyq fýtbolshy Hýsanov Manchester-Sıtıde oınaýy múmkin.