«Chelsı» nemese «Mılan» Qazaqstan quramasymen joldastyq kezdesý ótkizýi múmkin
ASTANA. QazAqparat - Tanymal eýropalyq komandalardyń biri joldastyq match ótkizý úshin Astanaǵa kelýi múmkin, dep habarlaıdy «QazAqparat» HAA tilshisi.
« EKSPO qarsańynda eýropalyq deńgeıdegi bedeldi komandany kútýdemiz (...) Meniń bilýimshe, «Chelsı» jáne «Mılan» komandalarymen kelissózder júrip jatyr. Osy eki klýbtyń bireýi keledi. Barlyǵynyń (komandalar - red.) talaby bir - laıyqty alańnyń bolýy», - dep habarlady Astanadaǵy baspasóz máslıhatynda dene tárbıesi jáne sport basqarmasynyń basshysy Berik Marjyqpaev.
Sol sebepti, onyń aıtýynsha, «Astana Arena» stadıonyna jóndeý jumystary júrgizilip jatyr.
«Biz alańdy qaıta tósep shyǵamyz jáne 1 mamyr kúni jóndeý jumystaryn aıaqtaımyz», - dep tolyqtyrdy ol.
