«Chelsı» Konferentsııa lıgasy fınalyna shyqty

ASTANA. KAZINFORM — Anglııanyń «Chelsı» komandasy UEFA Konferentsııa lıgasy fınalyna joldama aldy.

Anglııalyq klýb jartylaı fınalda shvetsııalyq «ıÝrgorden» klýbymen jasyl alańǵa shyqty. Alǵashqy matchta anglııalyq klýb 4:1 esebimen jeńgen edi.

Kezdesý barysynda londondyq komanda tek bir golmen shekteldi. Ony 38-mınýtta Kırman Dıýsberı-Holl óziniń enshisine jazdy. Bul goldan keıin esep aıyrmasy ózgergen joq.
Osylaısha qarsylasynan 1:0 esebimen basym túsken «Chelsı» fınalǵa joldama aldy.

Taǵy bir oıynda «Fıorentına» (Italııa) men «Betıs» (Ispanııa) oınady. Eki komanda arasyndaǵy alǵashqy kezdesýde ıspanııalyq klýb 2:1 esebimen jeńiske jetken edi. 

Qarymta kezdesýde ıtalııalyq komanda negizgi kezeńde dál sondaı eseppen qarsylasyn tize búktirdi. Olardyń qatarynan Robın Gosens 34, 42-mınýtta mergendik tanytsa, ıspanııalyq klýbtan Antonı 30-mınýtta gol soqqan edi. 

Qosymsha kezeńde «Betıs» sapynan Ez Abde 97-mınýtta qarsylas qaqpasynan sańylaý tapty.
Osylaısha kezdesý 2:2 esebimen teń aıaqtaldy. Qos oıynnyń nátıjesimen «Betıs» fınalǵa shyqty.

Fınal 28 mamyrda Polshanyń Vrotslav qalasyndaǵy «Vrotslav» stadıonynda bolady.