«Chelsı» — klýbtar arasyndaǵy álem chempıonatynyń jeńimpazy

ASTANA. KAZINFORM — Búgin fýtboldan klýbtar arasyndaǵy álem chempıonatynyń fınalynda «Parı Sen-Jermen» (Frantsııa) men «Chelsı» (Anglııa) komandalary kezdesti.

Oıynnyń alǵashqy mınýtynan anglııalyq komanda tizgindi qolǵa alýǵa tyrysty. Jyldam gol soǵý múmkindigin izdegen olar birinshi kezeńde qarsylas qaqpasyn úsh márte dál kózdedi.
Aldymen Koýl Palmer 22-mınýtta esep ashsa, ol 30-mınýtta taǵy bir márte mergendik tanytty. Oıynnyń 43-mınýtynda onyń shyǵarǵan pasyn áriptesi Joao Pedro tıimdi paıdalanyp, basymdyqty arttyra tústi.

Osylaısha anglııalyq klýb qarsylasynan 3:0 esebimen basym túsip, klýbtar arasyndaǵy álem chempıonatynda bas júldege qol jetkizdi.
Opta sýperkompıýteri 2025 jylǵy álem chempıonatynda qaı komandanyń jeńimpaz atanýy jóninde boljam jasady.

Qatysýshylardyń týrnırde jeńiske jetý múmkindigin naqty esepteýdi qalyptastyrý úshin Opta 10 myń derekti oryndaýǵa májbúr boldy. Atalǵan boljamǵa sáıkes chempıonattyń basty favorıti retinde Frantsııanyń «Parı Sen-Jermen» komandasynyń múmkindigi 18,5 paıyzǵa baǵalandy.

Al «Chelsı» komandasynyń múmkindigi — 8,4 paıyzdy shamalaǵan edi.

Álem chempıonatynyń júlde qory — 1 mıllıard AQSh dollary. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi. Dop dodasynda 32 komanda synǵa tústi.