«Chelsı» klýbtar arasyndaǵy álem chempıonaty fınalyna shyqty

ASTANA. KAZINFORM — Anglııanyń «Chelsı» komandasy fýtboldan klýbtar arasyndaǵy álem chempıonaty fınalyna joldama aldy.

Anglııalyq klýb jartylaı fınalda Brazılııanyń «Flýmınense» klýbymen sheberlik baıqasty.

Kezdesý barysynda negizinen «Chelsı» kóbirek shabýylǵa kóńil bóldi. Qarsylastar qaqpasy mańynda jıi boı kórsetip, jyldam gol soǵý múmkindigin izdedi. Nátıjesinde Joao Pedro 18-mınýtta mergendik tanytyp, anglııalyq klýbtyń jarysty jalǵastyrý múmkindigin arttyra tústi.

Ekinshi kezeńde «Chelsı» dál sol qarqynynan jańyla qoıǵan joq. Kezekti shabýyldyń birinde Joao Pedro 56-mınýtta kózdegen nysanadan múlt ketken joq.

Osylaısha qarsylasyn 2:0 esebimen qapy qaldyrǵan «Chelsı» fınalǵa joldama aldy. Endi atalǵan klýb fınalda 13 shildede «Parı Sen-Jermen» (Frantsııa) men «Real Madrıd» (Ispanııa) jubynyń jeńimpazymen jasyl alańǵa shyǵady. 

Toptyq kezeńde «Chelsı» D tobynda AQSh-tyń «Los-Andjelesin» 2:0, Brazılııanyń «Flamengosyn» 3:1, Mysyrdyń «Esperansyn» 3:0 esebimen jeńdi.

Kelesi kezekte 1/8 fınalda Portýgalııanyń «Benfıkasyn» 4:1, ¼ fınalda Brazılııanyń «Palmeırasyn» 2:1 esebimen tize búktirdi.

Aıta ketsek, búgin 23:50–de jartylaı fınalda «Parı Sen-Jermen» men «Real Madrıd» kezdesedi.