«Chelsı» Hıddınktiń bas jattyqtyrýshy bolyp taǵaıyndalǵanyn jarııa etti
ASTANA. QazAqparat - Gollandtyq maman Gýs Hıddınk aǵylshyndyq «Chelsıdiń» bas jattyqtyrýshysy qyzmetine taǵaıyndaldy. Ol bul mindetti maýsym aıaqtalǵansha atqarady. Bul týraly klýbtyń resmı saıty habarlady.
«Qojaıyndar men dırektorlar keńesi úlken tájirıbesi bar jáne joǵary tabystarǵa jetken jattyqtyrýshynyń kelýin quptaıdy. Ol budan buryn 2009 jyly bizdiń klýbymyzda bolǵan kezinde biz Anglııa kýbogyn jeńip alǵan edik. Abramovıch myrza men dırektorlar keńesi Gýs bizdiń talantty komandamyzdy jeńiske bastaıtynyna senedi», - delingen klýbtyń málimdemesinde.
69 jastaǵy mamannyń ózi «Stemford Brıdjge» oralýyna oraı óz qýanyshymen bólisti. «Chelsı» álemdegi iri klýbtardyń biri, qazirgi kezde óz múmkindiginen anaǵurlym tómen tursa da, biz osy maýsymda bul jaǵdaıdy túzetemiz dep oılaımyn», - dep atap ótti Hıddınk.
17 jeltoqsanda klýb Joze Moýrınıýmen kelisim-shartty úzetinin habarlady. 52 jastaǵy portýgaldyqtyń basqarýynda olar ótken jyly Anglııa chempıony boldy. Bıylǵy chempıonattyń 16 týrynan keıin londondyqtar premer-lıga týrnıri kestesinde 16 orynda, shyǵyp qalýdyń az-aq aldynda tur, dep jazady Lenta.rý.
