«Chelsı» Hıddınkti aýystyratyn tálimgerdi tapty
ASTANA. QazAqparat - «Chelsı» basshylyǵy týrındik «ıÝventýstiń» bas jattyqtyrýshysy Massımılıano Allegrıge londondyq klýbtyń jańa tálimgeri bolýǵa usynys jasady. Bul týraly The Daily Express habarlady.
Basylymnyń habarlamasyna qaraǵanda, ıtalıandyq jylyna 4,5 mıllıon eýro eńbekaqymen tórtjyldyq kelisim-shartqa qol qoıýǵa kelisti. Mamannyń «ıÝventýspen» qoldanystaǵy kelisimi 2017 jylǵy maýsymǵa deıin eseptelgen, osyǵan baılanysty týrındik klýbqa «Chelsı» aıyp tóleýge májbúr bolady.
«Chelsı» qojaıyny Roman Abramovıch Allegrıdiń kandıdatýrasyna toqtady, buǵan deıin londondyqtar Hosep Gvardıolamen kelissóz júrgizgen bolatyn, biraq ol «Manschester Sıtıdi» basqarýǵa uıǵardy.
Qazirgi kezde «Chelsıdiń» jattyqtyrýshysy gollandtyq Gýs Hıddınk. Ýaǵdalastyq boıynsha ol maýsymnyń sońyna deıin qalady. 17 jeltoqsanda portýgaldyq Joze Moýrıno kókshildermen kelisim-shartty eki taraptyń kelisimimen úzdi. Onyń ketýi klýb nátıjeleriniń qanaǵattanǵysyz bolýynan edi.
Aǵylshyn premer-lıgasynyń 24 týrynan keıin «Chelsı» 29 upaımen 13-shi orynda tur, onyń esebinde segizmatchtyq utylyssyz serııa bar, dep jazady Lenta.rý.
48 jastaǵy Allegrı «ıÝventýsty» 2014 jylǵy shildeden beri basqaryp keledi. Jyl ótkennen keıin ol klýbty Italııa chempıonatyndaǵy jeńiske jetkizdi, sondaı-aq Chempıondar lıgasynyń fınalyna shyǵardy.
