«Chelsı» fýtbolshysynan koronavırýs anyqtaldy
NUR-SULTAN. QazAqparat – Londondyq «Chelsıdiń» 19 jastaǵy shabýylshysy Kallým Hadson-Odoı koronavırýs juqtyrǵan, dep habarlaıdy QazAqparat klýbtyń resmı saıtyna silteme jasap.
Oıynshymen baılanysta bolǵan «Chelsı» quramasy endi Anglııa Úkimetiniń dırektıvalaryna sáıkes oqshaýlanady. Kallýmmen tyǵyz baılanysta bolmaǵan adamdar jaqyn kúnderi jumysqa oralady dep kútilýde. Oqý ortalyǵynyń kirýge arnalǵan bir bóligi jabyq bolady.
9 naýryzda Kallýmnan sýyq tııý belgileri baıqalǵan, sodan beri ol jattyqtyrý sabaqtaryna qatyspaǵan. 12 naýryzda onyń COVID-19 vırýsyna testi oń nátıje kórsetti.
«Biz Kallýmnyń tez jazylyp ketýin tileımiz, klýbqa oralýyn asyǵa kútemiz», — delingen «Chelsıdiń» resmı málimdemesinde.
Eske sala keteıik, londondyq «Arsenal» fýtbol klýbynyń bas jattyqtyrýshysy Mıkel Artetadan koronavırýs anyqtalǵan bolatyn.
Al belgili fýtbolshy Krıshtıaný Ronaldý karantınge jatqyzyldy.
