«Chelsı» fýtboldan Anglııa chempıony atandy
ASTANA. QazAqparat - Londondyq «Chelsı» komandasy «Vest Bromovıch» komandasyn jeńip, Anglııa 2016/2017 premer-lıgasynyń chempıony atandy.
Chempıonattyń 37-shi týry aıasyndaǵy kezdesý mamyrdyń 12-i kúni keshkisin ótip, 1:0 esebimen londondyqtardyń paıdasyna sheshildi. Oıynnyń 82-shi mınýtynda Mıshı Batshýaıı jalǵyz ǵana doptyń avtory atandy.
«Chelsı» zapasta bir oıyny bar jáne ekinshi orynda kele jatqan «Tottenhemnen» 10 upaıǵa aldyǵa shyqty. Osylaısha, «arıstokrattar» komandasy ózderiniń básekelesterinen aıtarlyqtaı alshaqtap ketti.
Bul tıtýl londondyqtar úshin Antonıo Konteniń basshylyǵymen jeńip alǵan alǵashqy tıtýl bolyp otyr. Ol komandany 2016 jyly jatttyqtyra bastaǵan bolatyn. Klýb óziniń tarıhynda Anglııa chempıonatyn 6 ret jeńip aldy.
