«Chelsı» - Chempıondar lıgasynyń jeńimpazy
ASTANA. 20 mamyr. QazAqparat - Fýtboldan Chempıondar lıgasynyń bıylǵy maýsymynda londondyq "Chelsı" komandasy jeńimpaz atandy.
Fınaldyq oıynda londondyq komanda mıýnhendik "Bavarııany" utyp, óz tarıhynda tuńǵysh ret Eýropanyń eń bedeldi klýbtyq fýtbol týrnıriniń jeńimpazy boldy, dep habarlaıdy BAQ.KZ.
Mıýnhendegi "Alıans Arenada" ótken fınaldyq oıynda londondyqtar jeńiske penaltı arqyly jetti.
Oıynnyń negizgi ýaqyty 1:1 esebimen teń aıaqtalǵan bolatyn. Aldymen alań ıeleri esep ashqan. Goldy soqqan - "Bavarııa" oıynshysy Tomas Mıýller. Oıyn aıaqtalýǵa az qalǵanda, 88-shi mınýtta "Chelsı" shabýylshysy Dıde Drogba esepti teńestirip úlgerdi. Oıyn sońyna deıin jáne qosymsha ýaqyttan soń da osy esep saqtalǵandyqtan, kezek penaltı serııasyna berildi. Penaltıde sáttilik joldas bolǵan "Chelsı" 4:3 esebimen jeńiske jetti.
