Chelahty psıhıatrııa ortalyǵynan shildeniń sońynda shyǵarady
ASTANA. 19 shilde. QazAqparat - Vladıslav Chelahtyń psıhıatrııalyq saraptamasynyń nátıjesin jarııalaý taǵy 10 kúnge shegerildi.
Bul týraly Tengrinews.kz tilshisine Psıhıatrııa, psıhoterapııa jáne narkologııa respýblıkalyq ǵylymı-praktıkalyq ortalyǵynyń dırektory Saǵat Altynbekov málim etti.
S.Altynbekovtyń málim etýinshe, sarapshylar qosymsha qujattardy talap etken jáne olar 17 shilde kúni ǵana kelgen. «Bizdiń mamandar ózge de qujattarmen tanysqysy keledi. Barlyǵy jospar boıynsha júrýde jáne merzimdi uzartý tek qujattardyń keshiktirilýimen baılanysty», - dep atap ótti Altynbekov.
Altynbekov Chelah ortalyqtan kelesi aptanyń sońynda shyǵarylyp qalýy múmkin degendi aıtty. «10 kún - bul kesimdi, budan artyq uzartylmaıdy», dep naqtylady ol. Qazir saraptama kezinde oǵan týysqandardyń eshbiri jiberilmeıdi.
Eske salaıyq, «Arqankergen» shekara beketinde áskerı qymetkerlerdiń ólimine kúdikti Vladıslav Chelah 19 maýsymnan bastap Almatyda psıhıatrııalyq tekseristen ótýde. Statsıonarlyq tekserýlerdiń merzimi 30 kúndi quraıdy.
