Chelah psıhıatrııalyq ortalyqtan Úsharalǵa jóneltildi
Shekarashy Vladıslav Chelah respýblıkalyq ǵylymı-tájirıbelik psıhoterapııa jáne narkologııa ortalyǵynan (RǴTPNO) Úsharaldyń ýaqytsha tergeý abaqtysyna qamaýǵa jiberildi.
QazTAG habarlaǵandaı, Vladıslavtyń atasy Vladımır Chelah bul týraly: «Búgin ony alyp ketti. (RǴTPNO-dan - QazTAG) Bizge júzin de kórsetpedi. Biz qorǵaýshylarmen de, tergeýshilermen de sóılestik. Sol jaqqa jetip, qamaý orny anyqtalǵannan keıin ol (tergeýshi - QazTAG) qorǵaýshymen kezdesýge ruqsat etsin dep ótindik. Munyń qashan bolatynyn bilmeımiz. Bálkim búgin, bálkim erteń jetkizer», - dedi.
Chelahtyń atasynyń aıtýynsha, nemeresin ýaqytsha qamaýǵa Úsharalǵa jibermek. Sol jerge «Arqankergende» qaıtys bolǵan shekarashylardyń týystary da kelmek. Vladıslav Chelahtyń atasy olarmen kezdesip, mán-jaıdy túsindirgisi keledi: «Men qaıtys bolǵandardyń týystarymen kezdesip, sóılessem deımin. Balamnyń kinásiz ekenine olardyń kózin jetkizgim keledi. Tek basqalar tarapynan arandatýshylyq bolmasa ıgi.
Shekarashylardyń týystary meniń jaǵdaıymdy túsinedi dep úmittenemin. Bul bizdiń qaıtys bolǵan uldary úshin qaıǵyryp júrgen ata-analardyń qaıǵysyna ortaq ekenimizdi kórsetpek».
Eýrazııa birinshi arnasy.
