Chelah anasymen kezdespeıinshe tergeý organdaryna kómektesýden bas tartyp otyr
ASTANA. 8 tamyz. QazAqparat - «Arqankergen» shekara zastavasynda qyzmettesterin óltirdi degen kúdik keltirilip otyrǵan shekarashy Vladıslav Chelah óziniń anasymen kezdesýge ruqsat etilmeıinshi tergeý organdaryna kómektesýden bas tartyp otyr.
Bul týraly Tengrinews.kz saıtyna bergen suhbatynda quqyq qorǵaýshy Vasılıı Rezvan málim etti.
Quqyq qorǵaýshynyń sózine qaraǵanda, tergeý Chelahqa týystarymen kezdesýge ruqsat bermeýde. «Vlad kúızelis aldynda, ol óte agressıvti bolyp ketti. Ol ózin «oqshaýlap» aldy jáne anasymen kórispeıinshe eshkimmen sóıleskisi kelmeıdi. Eger tergeý oǵan kórisýge budan ári de ruqsat bermeıtin bolsa, ol aldaǵy ýaqytta tipti óziniń qorǵaýshysymen de sóılespeı qoıýy múmkindigin aıtty», - deıdi ol.
Onymen birge Rezvan, Chelahtyń qorǵaýshylary «Sary-Bókter» zastavasynyń bastyǵy Alekseı Fomınmen kózbe-kóz bettestirýdi surap otyrǵanyn jetkizdi. Advokattardyń pikirinshe, ol shekara beketinde bolǵan tótenshe jaǵdaı týraly tolyq aqparatqa ıe. «Arqankergenniń» shekarashylary eki kún boıy baılanysqa shyqpaǵandyǵy týraly eki kún boıy jasyryp kelgen Fomınniń sharasyz otyrýy quqyq qorǵaýshylarda kúdik týdyrdy. Eske salaıyq, «Sary-Bókter» zastavasynyń bastyǵy 2012 jyldyń maýsymynda tutqynǵa alynǵan bolatyn. Oǵan qatysty qylmystyq is qozǵaldy.
