Chek talap et - júlde utyp al: Qazaqstandyqtar 500 myńǵa jýyq túbirtek jiberdi
NUR-SULTAN. QazAqparat - «Chek talap et - júlde utyp al!» aktsııasyna qazaqstandyqtar belsendi túrde qatysýda. Búgingi kúni naýqannyń 37 099 qatysýshysynan 490 904 chek tirkelgen, dep habarlaıdy QazAqparat QR Qarjy mınıstrligi Memlekettik kirister komıtetine silteme jasap.
«Qaraǵandy oblysynyń turǵyndary 57 215 chek jibergen eń belsendiler bolyp shyqty. Ekinshi orynda Aqmola oblysynyń qatysýshylary - 46 924 chek. Úshtikti Almaty oblysynyń turǵyndary aıaqtaýda - 46 307 chek. Atyraý (7 525 chek), Mańǵystaý (6 558 chek) jáne Aqtóbe (6 095 chek) oblystarynyń turǵyndary eń tómengi belsendilik tanytýda», - delingen komıtet aqparatynda. Sondaı-aq, qazirgi tańda eń belsendi qatysýshylar úshtigi anyqtalǵan. Pavlodar turǵyny aktsııaǵa qatysýǵa 3 655 chek jibergen. Qaraǵandylyq qatysýshy 2 665 chek tirkep úlgerse, Ekibastuz turǵyny jibergen chek sany - 2 571.
Esterińizge sala keteıik, 2019 jylǵy 1 mamyr men 8 tamyz aralyǵynda Qazaqstan Respýblıkasynyń azamattary «Chek talap et - júlde utyp al!» aktsııasyna qatysýda. Aktsııany Qazaqstan Respýblıkasy Qarjy Mınıstrliginiń Memlekettik kirister komıteti fıskaldyq derekter operatorymen birlesip ótkizýde. Aktsııanyń maqsaty azamattyq belsendilikti arttyrý, taýarlardyń, jumystardyń jáne qyzmetterdiń tutynýshylary retinde óz múddelerin qorǵaý máselelerinde azamattardyń quqyqtyq mádenıetin tárbıeleý.
Aktsııany ótkizý kezinde elimizdiń árbir turǵyny kez kelgen satyp alý nemese aqyly qyzmet kórsetý arqyly smartfonnyń ıesi bolý múmkindigine ıe. Taýarlardy, jumystardy jáne qyzmetterdi tólegen chekterdi "Tańdaý" mobıldik qosymshasynda tirkeý qajet. Aktsııaǵa derekterdi tirkeý jáne (nemese) berý fýnktsııasy bar baqylaý-kassa mashınalarynyń chekteri (onlaın BKM) qatysady. Bir qatysýshy tirkeıtin chekter sany shektelmeıdi. Alaıda, bir qatysýshy táýligine bir BKM-nen 10 chekten artyq jibere almaıdy.
«Chek talap et - júlde utyp al» respýblıkalyq aktsııasyna kez kelgen taýarlardy, jumystardy jáne qyzmetterdi satyp alý kezinde BKM chekterin alǵan Qazaqstannyń barlyq azamattary qatysa alady. "Tańdaý" tegin mobıldi qosymshasy (onda qatysýshy málimetterin jáne alynǵan chekti tirkeý qajet) Google Play market jáne App Store-da júkteý úshin qoljetimdi.
Aktsııanyń tolyq sharttary men qosymshasymen jumys isteý nusqaýlyǵyn www.trebui.kz naýqan saıtynan kórýge bolady. Búgingi tańda 70 smartfon oınatyldy. Aktsııa barysynda barlyǵy 100 smartfon oınatylady.
