«Chek talap et te, júlde utyp al» aktsııasynda 1 myńnan astam adam jeńimpaz atandy

NUR-SULTAN. QazAqparat - «Chek talap et te, júlde utyp al!» aktsııasy aıasynda 210 myńnan asa chek jiberildi. Qazirgi ýaqytta jeńimpaz bolyp 1 myńnan asa adam ataldy. Olar 5000 deıingi syıaqyǵa ıe boldy, dep habarlaıdy QazAqparat Memlekettik kirister komıtetine silteme jasap.

Memlekettik kirister komıteti «Atameken» ulttyq kásipkerler palatasymen birlesip «Wipon» mobıldi qosymshasy arqyly «Chek talap et te, júlde utyp al!» aqtsııasyn jalǵastyrýda.

«21 tamyzdan 27 qazanǵa deıingi kezeńde aktsııaǵa 11 203 paıdalanýshy qatysqan, olar 210 726 chek joldaǵan, kórsetilgen kezeń 1 157 jeńimpaz anyqtaldy, eń kóp jeńimpazdar sany Qostanaı oblysynda – 157 jeńimpaz, Almaty oblysynda - 135 jeńimpaz, Mańǵystaý oblysynda – 103 jeńimpaz, Almaty qalasynda – 99 jeńimpaz, Soltústik Qazaqstan oblysynda – 92 jeńimpaz, ShQO - 86 jeńimpaz, Aqmola oblysynda 84 jeńimpaz, Nur-Sultan qalasynda - 66 jeńimpaz anyqtaldy», delingen habarlamada.

Komıteti, aktsııaǵa qatysý úshin onlaın Baqylaý-kassa mashınalary chekterin qabyldaý 21 tamyzdan 30 qarashaǵa deıingi kezeńde júzege asyrylatynyn eske salady.

Aktsııaǵa onlaın-BKM fıskaldy chegin usyný arqyly taýarlar, jumystar men qyzmetterdi satyp alýyn rastaǵan Qazaqstan azamattary qatysa alady. Chekti jóneltkennen keıin qatysýshyda 5000 teńgege deıin óz teńgerimine qarajat utyp alý múmkindigi bolady. Jedel júlde qory 3 mln teńge. Sondaı-aq barlyq jóneltilgen chekter aktsııanyń bas júldesi – avtomobıl utyp alýǵa da qatysady.

Sondaı-aq BKM fıskaldyq chegin bermegen jaǵdaıda, azamattar osy buzýshylyqtarǵa beıne materıaldardy qosa bere otyryp shaǵym jóneltýi múmkin.

Aıta keteıik, aktsııa azamattyq belsendilikti arttyrýǵa, azamattardyń taýarlardy, jumystar men qyzmetterdi tutynýshy retinde óz múddelerin qorǵaý máselelerinde quqyqtyq mádenıetterin tárbıeleýge, kóleńkeli ekonomıkanyń mólsherin qysqartýǵa, sondaı-aq kásipkerler arasynda adal básekege qabilettilikti yntalandyrýǵa baǵyttalǵan.