Chehtar ushatyn velosıped oılap shyǵardy
ASTANA. 28 maýsym. QazAqparat - Cheh ınjenerleri ózderiniń jańa ónertabystary - ushatyn elektr velosıpediniń tusaýkeserin ótkizdi, dep habarlaıdy vesti.ru
Chehııadaǵy Duratec Bicycles kompanııasynda isteıtin ınjenerler toby Pragada óz qol týmalarymen tanystyrdy. Olar ushýǵa qabiletti elektr velosıpedin oılap shyǵarǵan.
Qaýipsizdik úshin rýlge qýyrshaq otyrǵyzyldy. Qashyqtyqtan basqarylatyn qurylǵy aýada shamamen 5 mınýt qalqyp turdy. Velosıpedke 6 qalaq ornatylǵan. Aldy men artynda eki-ekiden jáne janynda bir-birden qoıylǵan. Velosıpedti ushyrýǵa adamnyń kúshi jetpeıdi, sondyqtan cheh konstrýktorlary óz qurylǵylaryn elektr qozǵaltqyshtarymen jabdyqtaǵan. Biraq, ókinishke oraı, bul qurylǵyny odan saıyn aýyrlata túsken. Onyń ústine, akkýmýlıator qýaty da kópke shydamaıdy, ıaǵnı velosıped uzaq áýe saparyna jaramsyz. Alaıda, ónertapqyshtardyń ózderiniń paıymdaýynsha, batareıalardyń qýat syıymdylyǵy ár on jyl saıyn eki eselenip otyrady, sondyqtan jaqyn bolashaqta velosıpedtiń ushý uzaqtyǵy kóbeıýi ábden múmkin.
Cheh ınjenerleri ushatyn velosıpedti avtokólik pen mototsıklderdiń ornyna qoldanýdy usynady.
