Chehııanyń Shveıtsarııadaǵy elshisi áıeliniń tvıtteri úshin qyzmetinen ketýi múmkin
ASTANA. QazAqparat - Chehııanyń Shveıtsarııa men Lıhtenshteındegi elshisi Karel Borývkov Cheh ІІM-nen habarlama aldy. Bul habarlamada elshi sáýir aıynyń sońyna deıin qyzmetinen óz erkimen ketýi tıis ekendigi jazylǵan.
Vedomstvo basshysy Lýbomır Zaoralek elshini Twitter-de synı pikirlerin jarııalap júrgen áıeline sózi ótpeıtinin aıtyp, kinálady. Bul týraly Vesti.az-ǵa siltememen «Habar 24» habarlady.
Elshiniń áıeli Alena Borývkova da, elshiniń ózi sııaqty, ІІM basshysy Lýbomır Zaoralek te Chehııanyń sotsıal-demokratııalyq partııasynyń belsendi qaıratkerleri. Tipti Borývkova kezinde partııa tóraǵasynyń orynbasary qyzmetine úmitker bolǵan.
Sońǵy kezderi Borývkova áleýmettik jelilerde belsendilik tanytyp júr. Tipti esh oılanbastan partııalas áriptesterine til tıgizip, saıasatkerler men tilshilerge qatań syn aıtyp, pikir bildirip júr. Sońǵy sóz Chehııa prezıdenti Mılosh Zemanda.
Zańǵa sáıkes el prezıdenti elshilerdi qyzmetten bosatý jáne qyzmetke taǵaıyndaýdy bekitedi.
