Chehııanyń Premer-Mınıstri: Qazaqstan - bizdiń Ortalyq Azııadaǵy negizgi seriktesimiz

ASTANA. QazAqparat – Qazaqstan men Chehııa arasyndaǵy dostyq qarym-qatynastyń tarıhy tereń. Muny Cheh-Qazaqstan bıznes-formýyna qatysqan Chehııanyń Premer-Mınıstri Petr Fıalý aıtty, dep habarlaıdy QazAqparat tilshisi.

«Qazaqstan men Chehııa dostyq qarym-qatynasynyń tarıhy tereń. Qazaqstan - Ortalyq Azııa óńirindegi bizdiń negizgi seriktesimiz. Muny eki el arasyndaǵy ımport pen eksporttyń kóleminen de aıqyn kórýge bolady. Cheh kásiporyndary Qazaqstanda aýyl sharýashylyǵy jáne áskerı-avıatsııa ónerkásibi sııaqty salalarda kóptegen jyldar boıy belsendi jumys istep keledi. Sonymen qatar biz Qazaqstanda kóptegen qosymsha múmkindikter bar ekenin kórip otyrmyz», - dedi Petr Fıalý.

Forýmnyń ashylý saltanatynda sóz sóılegen Premer-Mınıstr Álıhan Samaıylov sońǵy 15 jylda chehııalyq kompanııalar bizdiń ekonomıkamyzǵa 270 mln dollar ınvestıtsııa salǵanyn aıtty. Sondaı-aq, qazirgi ýaqytta Qazaqstanda 200 chehııalyq kompanııa jumys isteıdi