Chehııanyń L-39 VVS oqý ushaǵy apatqa ushyrady
ASTANA. Shildeniń 13-i. QazAqparat - Chehııanyń L-39 VVS oqý ushaǵy jattyǵý kezinde apatqa ushyrady, dep habarlaıdy Lenta.rý agenttigi Associated Press agentigi men eldiń qorǵanys mınıstrligine silteme jasaı otyryp. L-39 bortynyń ishindegi eki ushqysh qutqarylyp úlgergen.
Olardyń ómirine qazir qaýip tónip turǵan joq.
Eldiń qorǵanys vedomstvosy habarlaǵandaı, ushaq Pardýbıtstegi VVS bazasynan áýege attanǵan soń, Pragadan batysqa qaraı 100 shaqyrym jerde apatqa ushyraǵan. Aldyn ala boljam boıynsha ushaqtyń qozǵaltqyshy istemeı qalǵan, alaıda oqıǵanyń naqty sebepteri tergeý amaldary aıaqtalǵannan soń jarııa bolady.
