Chehııany Astanada qabyldaımyz

Qazaqstan tennısshileri Chehııa quramasyn 5-7 sáýir aralyǵynda Astanada qabyldaıtyn boldy, dep jazady «Aıqyn» gazeti búgingi sanynda (avtory Ǵalym Súleımen).

Bul bizder úshin qýanyshty jaıt. Sebebi chehtar óte azý­ly komanda. Olar Devıs ký­bo­gy jolyndaǵy jarysta mol tá­ji­rıbe jınap, talaı ret ta­bys­ty óner kórsetken. Chehııa tennısshileri óz tarı­hynda atalmysh jarysta tórt márte top jardy. Byltyrǵy jyly da qarsylas shaq kel­tir­meı, bas júldeni olja­la­dy. Bul kúnderi olar álemdik reı­tıng­te ekinshi orynda tur. De­sek te, qazaqstandyqtar 2011 jyly Devıs kýbo­gy­nyń 1/8 fınalynda chehtar­men kúsh synasyp, jeńiske jet­ken edik. Sol kezde bizdiń bul tabysymyz «Sensatsııa!» dep baǵalandy. Endi sol ná­tı­jeni qaıtalaýǵa tıispiz. Eger Astanada ótetin kez­de­sýde baǵymyz janyp, jarty­laı fınalǵa joldama alyp jat­saq, onda bul el sporty tarı­hyndaǵy teńdessiz oqı­ǵa­lardyń biri ári biregeıi bo­­lary anyq.

Esterińizge sala keteıik, Devıs kýbogynyń 1/8 fı­nalynda Qazaqstan quramasy Avstrııany 3:1 esebimen ut­qan. Chehııa dál sondaı esep­pen Shveıtsarııany qapyda qaldyrdy. Aıtýly qos ko­man­dadan bólek, shırek fı­nalda Kanada men Italııa, AQSh pen Serbııa jáne Ar­gentına men Frantsııa qura­ma­lary kúsh synasady.