Chehııalyq kompanııalar Qazaqstanda jańa jobalardy iske asyrýǵa múddeli – Úkimet basshysy
«Cheh Respýblıkasynyń eń iri kásiporyny Qazaqstanda óz bıznesin keńeıtýge múddeli. Elimizde kólik salasyndaǵy mańyzdy jobalardy júzege asyrýdy josparlap otyrǵan «Škoda Transportation» sııaqty kompanııasy bar», - dedi Álıhan Smaıylov.
Úkimet basshysy ındýstrııalandyrý baǵyndaǵy yntymaqtastyqqa jańa serpin beretin «Trasko» sııaqty kompanııalarmen seriktestik ornatylyp jatqanyn atap ótti. Sonymen qatar, Cheh Respýblıkasynyń áskerı-ónerkásiptik kesheniń mamandary qazaqstandyq áriptesterimen tájirıbe almasýǵa nıetti.
«Іske qosylatyn jobalar Qazaqstandaǵy qolaıly ınvestıtsııalyq jaǵdaı jasalǵanyn dáleldeıdi», - dep toqtaldy Álıhan Smaıylov.
Búgingi forým Qazaqstan men Cheh Respýblıkasy arasyndaǵy ózara taýar aınalymy men ınvestıtsııalardyń kólemin ulǵaıtýǵa yqpal etpek. Sonymen qatar, seriktestik aıasynda jańa jobalardy qolǵa alý josparlanyp otyr.
Buǵan qosa, Úkimet basshysy ótken jyly Qazaqstan men Chehııa arasyndaǵy taýar aınalymy 67%-ǵa óskenin atap ótti. Sondaı-aq, 15 jylda chehııalyq kompanııalar Qazaqstan ekonomıkasyna 270 mln dollar ınvestıtsııa salǵan.
