Chehııalyq kompanııa elimizdegi taý-ken óndirý salasyna qajetti aýyr tehnıkalardy usynýǵa nıetti

ASTANA. QazAqparat – Chehııalyq «Skoda Transportation» kompanııasy Qazaqstanǵa taý-ken óndirý jáne metallýrgııa salalaryna qajetti aýyr tehnıka usynýǵa nıetti. Bul týraly Chehııanyń Premer-mınıstri Petr Fıalý málimdedi, dep habarlaıdy QazAqparat tilshisi.

«Skoda» kólik kompanııasy taý-ken óndirý, metallýrgııa sııaqty salalarǵa qajetti tehnıka berýge múddeli. Sondaı-aq, EPA jáne basqalary sııaqty kompanııalar bar. Olar keńes dáýirinen qalǵan eski tehnıkalardyń ornyna ozyq tehnıkalar men júıelerdi berýge daıyn», - dedi Petr Fıalý elordada ótip jatqan Cheh-Qazaqstan bıznes-forýmynda sóılegen sózinde.

Ol sondaı-aq chehııalyq kompanııalar aýyl sharýashylyǵy salasyndaǵy yntymaqtastyqty arttyrýǵa ázir ekenin málimdedi

Qosa ketsek, buǵan deıin Chehııanyń Premer-mınstri Qazaqstan - Cheh Respýblıkasynyń Ortalyq Azııadaǵy eń iri seriktesi ekenin málimdep edi.