Chehııaǵa barar jolda Merılın Monronyń asa qundy zattary qoldy boldy
ASTANA. 23 mamyr. QazAqparat - Ataqty gollıvýd aktrısasy Merılın Monronyń qurmetine arnalǵan kórme Prajskıı Gradta ótkizilmeýi yqtımal.
Italııadan Chehııaǵa bet alǵan júk kóliginen keıbir eksponattar joǵalyp ketti. Chehııalyq tártip saqshylary kólikke belgisiz bireýlerdiń qaraqshylyq jasaǵanyn rastap, tergeý jumystary qolǵa alynǵanyn alǵa tartyp otyr.
Pragada ártistiń kóılekteri, aıaq kıimderi, sýretteri, jazba kúndelikterinen úzindiler, óleńderi, onyń qatysýymen túsirilgen tanymal týyndylar kórsetiledi dep josparlanǵan. Biraq kórmege arnalǵan sórelermen qatar basqa da qural-jabdyqtar qoldy bolyp, Monronyń túpnusqalyq sýretteri urlanǵan. Olar tarıhı jáne mádenı jaǵynan óte qundy.
