Chehııadaǵy ATP týrnırinde Kýkýshkın shırek fınalǵa ótti
ASTANA. QazAqparat - Qazaqstandyq tennısshi Mıhaıl Kýkýshkın Chehııadaǵy ATP týrnıriniń ekinshi aınalymynda taǵy bir qazaqstandyq sportshy Aleksandr Nedovesovpen kezdesip, 5:7, 6:1, 6:3 esebimen jeńiske jetti, dep habarlaıdy sports.kz.
Jalpy syıaqy qory 106,5 myń eýro bolatyn Prosteevtegi "Chellendjer" serııasyndaǵy týrnırdiń shırek fınalynda M. Kýkýshkın chehııalyq Irjı Vesely men belgııalyq Djermeın Gıgýnon arasyndaǵy kezdesýdiń jeńimpazymen raketka túıistiredi.
Bunyń aldynda Kýkýshkın Chehııa ókili ıAn Hernyshty 2:6, 7:6, 6:3 esebimen tize búktirgen edi. Al Nedovesov birinshi aınalymda Monako tennısshisi Bendjamın Balleretti 6:4, 6:1 esebimen qapyda qaldyrdy.
Shırek fınalǵa shyqqan Kýkýshkın ózine 3 myń 100 eýro syıaqy men ATP reıtıngisiniń 25 upaıyn enshilep úlgerdi.
