Chehııadaǵy saýda ortalyǵynyń birinde eki áıel kóz jumdy

ASTANA. KAZINFORM - Áıelder Chehııanyń Gradets Kralove qalasyndaǵy saýda ortalyǵynda pyshaqpen jasalǵan shabýyldan qaza tapty, dep habarlaıdy Kazinform.kz Euronews arnasyna silteme jasap.

Kúdikti — 16 jastaǵy jasóspirim. Ol kóp ótpeı qolǵa tústi.

Polıtsııanyń málimetinshe, kóz jumǵan eki áıel de shabýyl bolǵan dúkende jumys istegen.

— Kúdiktini 10 mınýttan keıin qylmys ornynan bir shaqyrymdaı jerde qolǵa túsirdik. Ony oqıǵa ornynda arnaıy jasaq toby ustady, - dep habarlady qalalyq oblystyq polıtsııa basqarmasynyń baspasóz hatshysy Iva Kormosova. 

Chehııa premer-mınıstri Petr Fıala qaza bolǵandardyń týystaryna kóńil aıtty. 

— Gradets-Kralovede bolǵan oqıǵa — qala turǵyndaryn dúrliktirip, kópshiliktiń úreıin ushyrdy, - dep jazdy ol X áleýmettik jelisinde. 

Ázirge shabýyldyń sebebi belgisiz, tergeý amaldary júrip jatyr.

Polıtsııa jaǵdaıdyń baqylaýda ekenin, endi halyqqa qaýip tóndip turmaǵanyn aıtty. 

Eske sala keteıik, buǵan deıin Chehııada meıramhanadaǵy jarylystan 6 adam qaza tapqanyn habarlaǵan edik.