Chehııada jańa memlekettik vızýaldyq stıl bekitildi

ASTANA. KAZINFORM —  Kelesi jyldyń sáýir aıyna qaraı Chehııanyń barlyq memlekettik organy úkimet bekitken jańa memlekettik vızýaldyq stıldi tolyq engizedi, dep habarlaıdy AZERTADJ.

2025 jyldyń sońyna deıin memleket týraly vızýaldyq sáıkestendirý elementterin qandaı jaǵdaıda jáne qalaı qoldaný kerektigi jóninde nusqaýlyq ta daıyndalady. Osylaısha Chehııa Ulybrıtanııa, Nıderlandy, Germanııa, Shvetsııa sııaqty ózindik erekshe vızýaldyq stıli bar elderdiń qataryna qosylady.

Memlekettik tapsyryspen Studio Najbrt kompanııasy ázirlegen cheh fırmalyq stıliniń negizgi elementi — arystan beınelengen logotıp. Bul sımvol qyzyl tikburyshty qalqany, onyń shetinde kók jolaq (cheh trıkoloryna sáıkes) jáne ústińgi bóliginde órmelep turǵan aq ekiquıryqty arystandy kórsetedi.

Qarapaıym nusqada kók kontrastty jolaq joq, biraq kók tús jazýlarda qoldanylady, al jazý úshin arnaıy «Czechia Sans» atty shrıft jasalǵan.

Chehııa Syrtqy ister mınıstriniń basshysy ıAn Lıpavskııdiń aıtýynsha, jańa fırmalyq stıl zamanaýı grafıkalyq dızaın talaptaryna saı bolýy ǵana emes, sonymen qatar geraldıkalyq elementterdi saqtap, memlekettik rámizdermen qaıshylyqsyz ári memlekettik basqarý júıesiniń ulttyq ereksheligine sáıkes bolýy mańyzdy bolǵan.

Budan buryn Chehııada aptap ystyqtan qoımadaǵy oq-dáriler jaryla bastaǵanyn habarlaǵan edik.