Chehııada ustalǵan «Almaty» ÁKK eks-menedjeri Qazaqstanǵa jetkizildi

ALMATY. QazAqparat – Chehııa bıligi urlyq jasady dep kúdikke ilingen «Almaty» áleýmettik-kásipkerlik kompanııasy» UK» AQ burynǵy menedjerin ustap berdi, dep habarlaıdy QazAqparat tilshisi.

«Almaty qalasy prokýratýrasynyń qyzmetkerleri Almaty boıynsha ekonomıkalyq tergeý departamentiniń qyzmetkerlerimen birlesip, qylmystyq jaýapkershilikke tartý úshin Chehııa Respýblıkasynan Ikonnıkov Sergeı Anatolevıchti ekstradatsııalady», - dedi baqylaý vedomstvosynda.

«Almaty» áleýmettik-kásipkerlik kompanııasy» ulttyq kompanııasy» AQ azyq-túlik qaýipsizdigi departamentiniń burynǵy basshysy asa iri kólemde senip tapsyrylǵan múlikti talan-tarajǵa saldy degen kúdikke ilinip otyr.

2017 jyldyń naýryz aıynan beri Sergeı Ikonnıkovqa halyqaralyq izdeý salynǵan edi.

Chehııa Respýblıkasy Ádilet mınıstrligi Qazaqstan Respýblıkasyna fıgýrantty berý týraly suratymdy qabyl aldy. Kúdikti Almaty qalasynyń tergeý ızolıatoryna qamaldy.