Chehııada tyńshylardyń aty-jóni Internette jarııa boldy

dep habarlaıdy RBK agenttigi.

Kommýnıstik rejim kezinde qyzmet etken Chehııa áskerı barlaýynyń myńdaǵan qyzmetkeriniń aty-jóni Internetke qatelesip shyǵyp ketken. Totalıtarlyq rejimderdi zertteý jónindegi Praga ınstıtýtyna silteme jasap nemis basylymdarynyń habarlaýynsha, tyńshy agentterdiń aty-jónderi Internetke 2010 jyldyń naýryz aıynda shyǵyp ketip, shilde aıyna deıin turǵan.

Eń qyzyǵy sol, qupııalary jarııa bolǵan agentterdiń 380-i 1989 jyly Chehoslovakııada kommýnıstik rejim qulaǵannan keıin de tyńshy bolyp qalǵan. Buqaralyq aqparat quraldarynyń deregi boıynsha, olardyń arasynda áli kúnge deıin barlaýda qyzmet etip jatqandar bar kórinedi.

Biraq ta, Chehııanyń Qorǵanys mınıstrligi áskerı barlaýdyń jumysyna eshqandaı qaýip joq ekenin, sebebi jarııa etilgen tizimniń eski ekenin málim etti. Degenmen, bul oqıǵanyń buryn tyńshy bolǵan, búginde ekonomıkada nemese dıplomatııalyq qyzmette jumys istep jatqan adamdarǵa birqatar jaısyzdyqtar týǵyzýy yqtımal ekendigi joqqa shyǵarylmaıdy.

Qatelesip jarııa bolǵan tizim Internetten alyp tastaldy, al arnaıy organdar men Totalıtarlyq rejimderdi zertteý ınstıtýty kinálini anyqtaı almaı, daýlasýda. Al qupııa aqparatty jarııa etken muraǵat bóliminiń bastyǵy jumysynan bosatyldy, dep habarlaıdy nemistiń Deutsche Welle basylymy.