Chehııada tornado taǵy bir aýyldy qıratty
PRAGA. QazAqparat – Chehııaǵa tornado qaıta tónip, soltústik-batystaǵy aýyldyń tas-talqanyn shyǵardy. Zardap shekkender joq. Alaıda, materıaldyq shyǵyn ondaǵan mıllıon eýroǵa baǵalanyp otyr. QazAqparat bul týraly Euronews-ke silteme jasap habarlaıdy.
Chehııanyń ońtústik-shyǵysynda ornalasqan Ońtústik Moravııaǵa soqqan alǵashqy tornado birneshe eldi mekendegi úılerdi qıratqan bolatyn. Kem degende 300-ge jýyq adam zardap shekti. Qaza bolǵandar sany 5 adamǵa deıin artty.
Al juma kúni kúshi sál álsizdeý tornado Chehııanyń soltústik-batysyndaǵy aýylǵa soqty.
Qazir Ońtústik Moravııada 7 eldi mekende izdestirý-qutqarý operatsııasy júrgizilýde.
Sınoptıkterdiń málimetinshe, tornado kúshi 5 baldyq deńgeıdiń 3-inshi nemese 4-inshi deńgeıine jetti. Onyń arty tennıs dobynyń kólemindeı burshaqqa ulasty. Bir otbasylar baspanadan aıyrylsa, biriniń úıi jaryqtan ajyraǵan. Zardap shekken aýdandarǵa gýmanıtarlyq kómek jóneltilýde.
