Chehııada toǵyzqumalaqtan álem kýboginiń jeńimpazdary anyqtaldy
ASTANA. KAZINFORM — Chehııanyń Pardýbıtse qalasynda toǵyzqumalaqtan erler men áıelder arasynda álem kýbogi óz máresine jetti.
Toǵyzqumalaqtan memlekettik jattyqtyrýshy Dáýlet Ábdikárimovtiń málim etkenindeı, klassıka men blıtsten ótken jarysqa Germanııa, Chehııa, Latvııa, Polsha, Kolýmbııa, Italııa, AQSh, Rýmynııa, Túrkııa, Aýstrııa, Ýkraına, Majarstan, Qyrǵyzstan jáne Qazaqstan, barlyǵy 14 elden sportshylar qatysyp, myqtylardy anyqtady.
Toǵyzqumalaqtyń klassıka túrinen áıelder arasynda qaraǵandylyq Ańsaǵan Qojanásip top jarsa, Uldana Mahambetamın ekinshi, latvııalyqtar Karına Alekseeva men Valerııa Kagına úshinshi orynǵa ıe boldy.
Erler arasynda batysqazaqstandyq Darhan Ánýarbekov úzdik shyqsa, qyrǵyzstandyq Syrttan Syrǵaq ýly kúmis, astanalyq Ersultan Áýelbaı men taǵy bir qyrǵyzstandyq Kýbanychbek Ibragımov qola júldeni qanaǵat tutty.
Blıts túrinen qyzylordalyq Ermuhamed Alaıdar eshkimdi shaq keltirmese, almatylyq Rahat Aıtbaev ekinshi, aqtóbelik Azamat Qaıdarov pen qyzylordalyq Beksultan Bostandyqov úshinshi satydan kórindi.
Áıelder arasynda blıtsten túrkistandyq Arýjan Salman chempıon atansa, shymkenttik Saltanat Saparbekova kúmis, taǵy bir túrkistandyq Ásel Dalıeva men pavlodarlyq Aıajan Eginbaı qola medalmen marapattaldy.
