Chehııada tehnogendik apatqa baılanysty tótenshe jaǵdaı jarııalandy

ASTANA. KAZINFORM — Chehııanyń Olomoýts ólkesiniń shyǵys bóliginde kóldiń ýly benzolmen lastanýyna baılanysty tótenshe jaǵdaı jarııalandy, dep habarlaıdy euronews.

Чехиядағы техногендік апат
Фото: Point

Oqys oqıǵa 28 aqpanda bolǵanyna qaramastan, benzoldyń kól men jer asty sýlaryna jaıylǵany anyqtalǵannan keıin jaǵdaı apatty dep tanyldy.

Ótken aıda júk poıyzy Gýstopeche stantsııasynyń kireberisindegi relsten shyǵyp ketkeni belgili boldy. Bul jaǵdaı jyldamdyqty arttyrýǵa baılanysty bolýy múmkin ekeni aıtyldy. 17 vagonnyń kóp bóligi apattan keıin birden janyp ketti. 1000 tonnadan astam benzol tasymaldaıtyn tsısternalardan jer asty sýlaryna shamamen 350 tonnasy aǵyp ketti.

Tótenshe jaǵdaı týraly buıryq jergilikti bılikke resýrstardy bólý jáne kómek kórsetý jumystaryn dereý bastaý úshin arnaıy ókilettikter beredi. Qazirdiń ózinde lastanǵan sý qoımalaryn benzoldan tazartý jumystary júrgizilip jatyr. Temirjol men sý arasynda ondaǵan shuńqyr qazylyp, benzoldyń odan ári taralýyn boldyrmaý úshin arnaıy metall konstrýktsııalar ornatylady. Bılik ókilderi órt pen tehnogendik apattyń shyǵyny 40 mıllıon eýrodan asady dep seskenedi.

Aıta keteıik, daǵdarystyń saldaryn jeńildetý maqsatynda tótenshe jaǵdaı 27 sáýirge deıin áreket etetin bolady.

Buǵan deıin Chehııada oq-dári óndiretin zaýytta jarylys bolǵanyn habarlaǵan edik.

Сейчас читают